Putzwuet :-)

 Zum Glück hämmer nachli schön's Wetter gha für die erscht Ufrumaktion. Bis alles sin Winterplatz gfunde hät brucht's immer viel Organisationstalent.

 

Nach dem stränge Tag simmer na es letscht's Mal gmüetlich id Sunne gsässe :-)

Mir wünsched allne en wunderschöne sunnige Herbscht und bedanked Eus namal herzlich für die super Badisaison 2015

Jedes Jahr e super Turteüberraschig mmmhhhhhhh

Ustrinkete Saison 2015

Zur Ustrinkete hämmer die wunderschön Turte übercho :-) Sie hät nöd nur super usgseh sondern isch au meeeeega fein gsi mmmmmmmhhhhh

 

Miteme feine Dessertbuffet und dere gluschtige Bowle hämmer Eusne Gäst e chlini Freud chönne mache :-)

 Au simmer wie immer kreativ gsi und händ en Sunneschirmständer alla Mc Gyver bastled, guet hämmer die Serie i de Jugendzit glueged hihi

Bettag 20.09.2015

 

 

 

 

 

De Bettag, au de offizielli Termin für s Saisonendi 2015, isch am SO 20. September 2015.

 

Nöd vergässe de Liegestuehl und die viele andere Sache abzhole, danke :-)

 

Tel.: 055 410 11 47

 

 

 

 

 

 

 

 

 

 

Mir sind ziemlich usgässe :-)

Uiuiuiui Eusi Hirni händ graucht und mir händ mit ere Countdown Liste müesse schaffe, damit mir alli Gäscht na händ chönne verwöhne....

 Bis uf es paar wenigi Fischli und Glace simmer so ziemlich usverchauft gsi und händ tatsächlich namal chönne go poste :-)

Nächst Wuche gaht's in Endspurt und de Herr Wick seit es wird namal schön warm juhuuuu